Қазақстанда бейресми білім мойындалмақ
Қазақстанда бейресми білім беру мойындалып, микрокваликация бойынша білім алуды практикаға енгізу жоспарланып отыр. Бұл туралы ғылым және жоғары білім министрі Саясат Нұрбек мәлімдеді, деп хабарлайды Stan.kz ақпарат агенттігі.
Фото: elements.envato.com
Үздіксіз білім беруді қамтамасыз ету мақсатында өмір бойы оқыту тұжырымдамасы қабылданды, деп хабарлады Нұрбек Үкімет отырысында.
"Бейресми білімді мойындауды қамтамасыз ету үшін біліктіліктің ұлттық шеңберін өзектендіру пысықталуда. Бейресми білім беру арқылы алынған сертификаттар мен несиелер Stackable degree-ге аударылады. Микрокваликация алуға мүмкіндік беріледі", - деді ол.
Микроквалификациялар – әдетте үш-төрт белгілі бір курстардан тұратын шағын, қысқа оқу бағдарламалары.
Микроквалификацияны алу университетте немесе колледжде диплом алу сияқты бірақ қысқартылған түрде жүзеге асады. Мұндай бағдарламалардың ұзақтығы екі аптадан бір жылға дейінгі уақытты қамтиды. Бұл құжатты алу үшін студенттер дәрістерге қатысып, жоба, эссе немесе тест түрінде белгілі бір тапсырмаларды орындауы керек. Микроквалификация онлайн форматта да, күндізгі оқу форматында да ұйымдастырылуы мүмкін.
Әлемдік тәжірибеде олар университетте дәстүрлі оқуға балама немесе қосымша ретінде әрекет етеді.