Қазақстанда 1 шілдеден бастап темекінің бағасы өседі
Қазақстанда 1 шілдеден бастап темекі өнімдерінің бағасын 820 теңгеге дейін көтеру жоспарланып отыр. Бұл туралы Stan.kz ақпарат агенттігі хабарлайды.
Фото: Pixabay.com
"Ашық НҚА" порталында қаржы министрлігі басшысының тиісті бұйрығы пайда болды.
“1 шілдеден бастап 31 желтоқсанды қоса алғанда, фильтрлі, сүзгісіз 20 темекіге, сигариллаға және қыздырылатын темекі бұйымдарына бөлшек сауданың ең төменгі бағасы – 820 теңге, 2025 жылы 1 қаңтардан бастап 870 теңге болып бекітілсін”, – делінген құжатта.
Биыл қаңтардан бастап бекітілген ең төменгі баға 20 темекіге 770 теңге болды.
1 қаңтардан бастап темекі өнімдеріне акциз ставкасы өткен жылмен салыстырғанда 12,8% өсті.
Ұлттық статистика бюросының мәліметінше, ақпан айында елдегі инфляция 9,3% деңгейінде болды. Сондықтан "Атамекен" ең төменгі бөлшек сауда бағасын 20 темекіге көтеруді ұсынды.
Бұйрық 1 шілдеден бастап күшіне енеді.
Талқылау
"Киіктерді өз өмірінің құнымен қорғаған батыр": Қорықшы Ерлан Нұрғалиевтің қаруланған броконьерлерді қуамын деп қалай қаза тапты
Қайғылы оқиға 6 жыл бұрын “Охотзоопром” кәсіпорнында болған еді
"Кейбірі сәбиінен, кейбірі анасынан айырылып жатады": Қазақстандықтар перзентхана алдында дүбірлі той жасайтындарды сынады
Акушер: "Көп адамның жиналуы жаңа туған сәби мен анаға түрлі инфекция, вирус таратады"