Қазақстан ТМД-ның мемлекетаралық валюта комитеті туралы келісімінен шықты

Қазақстанда ТМД елдерінің мемлекетаралық валюталық комитетін құру келісімнен шықты. Құжатқа тоғыз жыл бұрын қол қойылған. Президент Тоқаевтың тиісті жарлығы жарияланды, деп хабарлайды Stan.kz ақпарат агенттігі. 

"2013 жылғы 25 қазанда Минскіде жасалған 1995 жылғы 26 мамырдағы мемлекетаралық валюта комитетін құру туралы келісімнің тоқтату туралы хаттама бекітілсін", – деп жазылған Қазақстан президенті Қасым-Жомарт Тоқаевтың жарлығында.

Құжат 2022 жылдың 8 шілдесінен бастап күшіне енді. 

• Ресей Қазақстан мұнайын пайдаланып, Еуропаны энергетикалық қарумен қорқытқысы келеді - Bloomberg

• ​​​​​​​Тоқаевтың батылдығының артында Қытай тұруы мүмкін – Сарапшы

Комитет валюталық-төлемдік және кредиттік қатынастар саласындағы көпжақты ынтымақтастықты ұйымдастыруға жәрдемдесу, көпжақты есеп айырысу және кредиттік қатынастарға қатысты валюталық заңнаманы жетілдіру, ТМД-ға мүше мемлекеттердің төлем одағын құру туралы келісімге қатысушы мемлекеттердің ақша-кредит және валюта саясатын үйлестіру нысандары мен әдістерін дамыту, сондай-ақ келісілген міндеттемелерді жүзеге асыру мақсатында құрылған болатын.