"Қазақстан темір жолы" филиалының басшысы сотталды
Астанадағы қылмыстық істер жөніндегі мамандандырылған ауданаралық сот "Қазақстан темір жолы" АҚ филиалы "Автоматтандыру және цифрландыру дирекциясының" директоры Амринға қатысты сот үкімін шығарды. Бұл туралы Stan.kz ақпарат агенттігі хабарлайды.
Фото: ҚТЖ
Сот шешіміне сәйкес, Амрин өзінің билігін асыра пайдаланып, мемлекетке 21 миллион теңге көлемінде залал келтіргені үшін кінәлі деп танылды. Ол өз танысын жалған инженер етіп жұмысқа орналастырған және оған заңсыз жалақы төлеу арқылы мемлекет қаржысын ысырап еткені белгілі болды. Бұл қаражат жеке тұрғын үйінің құрылыс жұмыстарымен айналысқан адамға төленген.
Сот үкімі бойынша, Амрин мемлекеттік қызмет пен квазимемлекеттік секторда лауазымды қызмет атқару құқығынан өмір бойына айырылды және 4 жыл 8 айға бас бостандығынан айырылды.
Сот шешімі әлі заңды күшіне енген жоқ.
Еске салсақ, Қазақстан темір жолының еншілес ұйымында директор 50 мың долларға басшылық қызметті сатқанын жазғанбыз.
Мектепте хиджабқа ғана емес, діни сипаттағы кез келген киім элементіне шектеу қойылады – Дінтанушы
Дінтанушының пікірінше, талап оқушылар арасында әлеуметтік немесе діни ерекшеліктеріне қарай жіктелудің алдын алуға бағытталған
Астаналық әйелдің егіздері бірі құрсақта, бірі туған соң шетінеп кеткен: Туыстарының шағымынан кейін перзентхана тексеріліп жатыр
Іші көгеріп кеткен әйелді дерматологқа жіберіп, антибиотиктермен емдеген