Қазақстан шахтасындағы өрт: Екінші кеншінің өлімі расталмады
"АрселорМиттал Темиртау" АҚ-ның атқарушы директоры Виктор Гафиулов “Қазақстан” шахтасынан екі емес, тек бір адамның мәйіті табылғанын мәлімдеді. Бұл туралы Stan.kz ақпарат агенттігі хабарлайды.
Қазіргі уақытта 4 адамды іздеу үшін құтқару қызметінің 12 бөлімшесі жұмылдырылған.
"Біз шахтерлер табылады деп үміттенеміз. Сол себепті оларды іздеу жұмыстарын жалғастырамыз. Барлықтарыңызды үміт үзбей, бекем болуға шақырамыз. Көмір департаментінің барлық күші кеншілерді құтқаруға жұмылдырылды. Біз құрбан болған қызметкерлердің отбасы мен жақындарына қайғыра көңіл айтамыз және оларға барлық жағынан қолдау көрсетеміз", – деді Виктор Гафиулов.
Бұған дейін өрт шыққан кеніштен екі адамның мәйіті табылғаны туралы хабарланған еді. Алайда Қарағанды облысы әкімдігінің мәліметінше бір кеншінің өлімі расталмаған, себебі екі іздеу бөлімшесі оқиға орнына екі жақтан кіргендіктен, олар бір мәйітті тауыпты. Көз жұмған кенші 58 жаста болған.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді