Қазақстан президенті: Шенеуніктер халықты адастырып жатыр
Президенттің баспасөз хатшысы Берік Уәли Facebook-те Қасым-Жомарт Тоқаевтың төрағалығымен өткен коронавирусқа қатысты отырыс үзінділерін жариялады.
Президент шенеуніктерді халықтың шағымдарына жауап бермеді деп айыптады. Тоқаев коронавируспен күресте ақпараттандыру маңызды рөл атқаратынын айтты.
«Көп нәрсе уақтылы есеп беру мен тиісті шаралар қабылдауға байланысты. Бастапқыда бұл жұмыс жақсы ұйымдастырылды. Бірақ соңғы кезде мемлекеттік органдар бұл жұмысты өздігінен жүргізуге мүмкіндік берді», - деді ол.
Оның айтуынша, республикадағы коронавирустық ақпараттық орталық тиісті деңгейде жұмыс істемейді. Covid-19 туралы сенімді ақпарат берілмейді.
«Эпидемиямен күреске жауапты шенеуніктер жалған ақпарат беру арқылы халықты адастыруды жалғастыруда. Бұл ең жаманы. Әкімдер мен министрлер қарапайым адамдармен байланысын үзді. Олар шағымдарға дер кезінде жауап бермейді. Сондықтан көптеген қазақстандықтар не істеу керектігін білмейді және шығынға батуда», - деді президент.
Тоқаев коронавирустың ұзақ мерзімді пандемиясына дайындықты бастауға шақырды