Қазақстан мұнай өндіруді ерікті түрде қысқартуды 2024 жылдың соңына дейін ұзартады

Ерікті қысқарту 2023 жылдың 4 маусымында ОПЕК+ 35-ші министрлік кездесуінде келісілген өндіріс көлемінде жүзеге асады. Бұл туралы Stan.kz ақпарат агенттігі хабарлайды. 

ҚР Энергетика министрлігінің мәліметіне сүйенсек, Қазақстан сәуір айында ерікті қысқарту жариялаған ОПЕК+ елдерімен келісім бойынша, алдын алу шарасы ретінде 2024 жылғы желтоқсанның соңына дейін 78 мың б/т ерікті қысқартуды ұзартады. 

Бұған дейін ведомство Қазақстан мұнай өндіруді ОПЕК+ басқа елдерімен бірге 2023 жылдың мамырында тәулігіне 78 мың баррельге ерікті түрде қысқартатынын мәлімдеген еді.