Қазақстан мен Вьетнам визасыз режимге қол қойды

Президент Қасым-Жомарт Тоқаев Вьетнамға ресми сапары аясында 12 құжатқа қол қойды. Бұл туралы Stan.kz ақпарат агенттігі хабарлайды. 

Екі ел арасында бірнеше құжатқа қол қойылды. 

• Қазақстан мен Вьетнам Социалистік Республикасының үкіметі арасындағы сауда-экономикалық ынтымақтастықты жедел дамыту жөніндегі 2023-2025 жылдарға арналған бірлескен іс-қимыл жоспары;
• Екі елдің азаматтарын өзара визалық талаптардан босату туралы келісім;
• Мәдениет және спорт министрлігі мен Вьетнам Социалистік Республикасының мәдениет, спорт және туризм министрлігі арасындағы туризм саласындағы ынтымақтастық туралы меморандум;
• "QazTrade" сауда саясаты орталығы" АҚ мен VietTrade Вьетнам саудасына жәрдемдесу агенттігі арасындағы ынтымақтастық туралы меморандум;
• Сыртқы істер министрлігінің инвестициялар комитеті мен Вьетнам инвестициялар жөніндегі агенттігі арасындағы ынтымақтастық туралы меморандум;
• "Қазпошта" АҚ мен Viet post корпорациясы арасында электрондық коммерция мен почта қызметін дамыту саласындағы өзара түсіністік туралы меморандум;
• Индустрия және инфрақұрылымдық даму министрлігі мен Vietjet Aviation АҚ арасындағы өзара түсіністік туралы меморандум;
• "ҚазМұнайГаз "ҰК" АҚ мен Sovico Group арасындағы мұнай-газ жобаларына инвестициялар саласындағы ынтымақтастық туралы өзара түсіністік туралы меморандум;
• "Қазақстан Теміржолы" АҚ мен Sovico Group арасындағы көліктік-логистикалық инфрақұрылымды дамыту саласындағы ынтымақтастық бойынша өзара түсіністік туралы меморандум;
• Сыртқы істер министрлігінің Инвестициялар комитеті мен Crystal Bay Tourism Group JSC арасындағы өзара түсіністік туралы меморандум;
• Microtech DFS Vietnam Company Limited және Vela Corporation арасындағы ынтымақтастық туралы келісім;
• "Хабар "Агенттігі" АҚ мен Vietnam television арасындағы өзара түсіністік туралы меморандум.

Тоқаев 20 тамызда Вьетнам Социалистік Республикасына ресми сапармен келді.  Вьетнам президенті Во Ван Тхыонг президент сарайында мемлекет басшысы Қасым-Жомарт Тоқаевты салтанатты түрде қарсы алды.

Мемлекет басшысының Вьетнамға ресми сапары Ба Динь алаңындағы ұлттық батырлар ескерткішіне гүл шоқтарын қою рәсімінен басталды.