Қазақстан Мальдивке тұрақты рейстерді қайта ашады

4 қазаннан бастап "Эйр Астана" әуе компаниясы Алматы-Мале бағытында төрт тұрақты рейс ашады, деп хабарлайды Stan.kz ақпарат агенттігі. 

Индустрия және инфрақұрылымдық даму министрлігінің баспасөз қызметінің хабарлауынша, рейстер Б767 және А321LR әуе кемелерімен орындалады.

"Бұл бағыттағы ұшулар санын арттыру эпидемиологиялық жағдайға және ел аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның шешімдеріне байланысты қабылданады", – делінген хабарламада.

Рейстер әуе компаниясының сайтында жарияланған кестеге сәйкес орындалады.

Айта кетсек, 17 қыркүйектен бастап Қазақстаннан Түркияға ұшатын әуе рейстерінің саны артады.