Қазақстан құрамасы хоккейден Алматыда өтіп жатқан тарихи Азия чемпионатының алғашқы матчында жеңіліс тапты
Шайбалы хоккейден Қазақстан құрамасы Алматыда өтіп жатқан Азия чемпионатындағы алғашқы матчында ірі есеппен жеңілді. Бұл туралы Stan.kz ақпарат агенттігі хабарлайды.
Фото: ҚХФ
Тарихта тұңғыш рет хоккейден Азия чемпионаты Алматыдағы Halyk Arena стадионында өтіп жатыр. Қазақстан ұлттық құрамасы Оңтүстік Кореямен кездесу өткізіп, 1:4 есебімен жеңіліс тапты. Сондай-ақ бұл турнирде бақ сынап жатқан Жапония мен Қытай құрамалары өзара мықтыны анықтап, нәтижесінде Жапония құрамасы 4:1 есебімен жеңіске жетті. Бұл турнирде жеңімпаз айналмалы жүйе бойынша өтіп, турнирлік кесте нәтижелері арқылы белгілі болмақ. Аталған біріншілікте ұлттық құрама қатысушысы барлық командамен шеберлік байқасып, өзара мықтыны анықтайды.
Айта кетейік, Азия чемпионаты 6-9 қараша аралығында Алматыдағы Halyk Arena-да өтеді. Оған Қазақстан, Жапония, Оңтүстік Корея және Қытай құрамалары қатысады.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн