Қазақстан Қашаған операторынан 5,1 млрд доллар талап етті – БАҚ

29 наурызда Қазақстан Қашаған кен орнының операторынан 5,1 млрд доллар айыппұл төлеуді талап етті деп хабарлайды Stan.kz ақпарат агенттігі Bloomberg сайтына сілтеме жасап.

Билік оператор объектілердің бірінде тым көп күкірт сақтайтынын айтты.

Бұрын NCOC ережелерге сәйкес жұмыс істейтінін айтқан.

Экология және табиғи ресурстар министрлігінің деректері бойынша Қашаған алып мұнай кәсіпорнына қоршаған ортаны ластағаны үшін айыппұл түрінде шамамен 2,3 трлн теңге (5,1 млрд доллар) сомаға талап арыз берілді.

Операторда күкіртті сақтау көлемі нормадан екі есе артық екендігі нақтыланды.