Қазақстан дизель отынын шетелдіктерге қымбатқа сатады – Энергетика министрлігі
Қазақстан дизель отыны үшін сараланған баға тарифін енгізеді. Бұл жанармайды шетелдіктерге қымбат бағаға сатуға мүмкіндік береді. Бұл туралы Энергетика министрі Болат Ақшолақов Орталық коммуникациялар қызметінің брифингінде айтты, деп хабарлайды Stan.kz ақпарат агенттігі.
Министрдің сөзінше, қазір ведомствода дизель отыны бағасын саралауды қарастыратын бұйрық жобасы жасалып жатыр. Бұл дизель отынының тапшылығына жол бермеу үшін жасалған.
"Қазақстанда жанармай бағасының төмен болуы айлық орташа тұтыну көлемін шамамен 120 мың тоннаға арттырады. Қазір министрлік дизель отыны бағасын саралауды қарастыратын бұйрық жобасын жасады. Бұл бағытта жұмыстар қызығушылық танытқан мемлекеттік органдар және тараптармен бірге жалғасады", – деді Энергетика министрі.
Шекара қызметінің мәліметінше, Қазақстан күн сайын 4,5 мың бірлік жүк көлігі кіреді. Олардың 70%-ға жуығы шетелдік көліктер екен.
"Тапсырыс жоқ, қарыз көбейді": Қазақстандық кәсіпкердің жаңа салық реформасының кесірінен бизнесі шығынға батқан
Эмин Аскеров: "Қызметкерлердің тағы 10%-ын толық емес жұмыс күніне ауыстырдық"
Қазақстанда тұрақты тұруға өтініш берген шетелдіктер қазақ тілінен тест тапсырады: Оларға қандай сұрақтар қойылады?
Тест онлайн форматта ҚАЗТЕСТ жүйесі арқылы өткізіледі