Қазақстан таксопарктерін жүргізушілер үшін зейнетақы мен әлеуметтік аударымдар жасауға міндеттейді
Қазақстан билігі "Яндекс.Такси"-дің зейнетақы аударымдарына қатысты тәжірибесін зерттеуде. Бұл туралы еңбек және халықты әлеуметтік қорғау министрі Тамара Дүйсенова сенат кулуарында айтты, деп хабарлайды Stan.kz ақпарат агенттігі.
"Ресейде ондай пилоттық жоба іске қосылып үлгерді. Платформа ("Яндекс.Такси") операторлары такси жүргізушілері үшін зейнетақы аударымдарын жасайды. Операторлар аударымдарды бағдарлама бойынша жұмыс істейтін қызметкерлердің ақысынан есептейді.
Кореяда мұндай бағдарлама жасақталуда, Қытайда да дәл сондай бар. Еуропада бастап кетті. Қазіргі кезде біз де олармен кездесіп, сөйлесіп, қарастыра бастадық. Бір шешімге келген соң, қосымша айтатын боламыз", - деді еліміздің еңбек және халықты әлеуметтік қорғау министрі Тамара Дүйсенова сенат кулуарында.
Оның сөзіне сенсек, жалпы бұл іске асырылатын жұмыс.
"Өйткені әрбір жұмыс істейтін адам, оның ішінде такси жүргізушісі болсын, кез келген уақытта жұмыссыз қалуы мүмкін", - деді министр.
Талқылау
"Қанды Қаңтар" алдында газ бағасын көтеруді қолдаған мұнай сарапшысы тағы сынға қалды: Енді жолақыны қымбаттатуды ұсынды
Сарапшы Олжас Байділдиновтің айтуынша, қазіргі субсидиялау жүйесі тиімсіз
"Неге сонша нақұрыс болдыңдар": Желіде қазақтарды "құлдар" деп қорлаған әйелге шағым түсті
Әйелдің пікірінше, қазір Қазақстанда толыққанды орта, ал тіпті, жоғары білімді қазақ тілінде алу мүмкіндігі шектеулі