Қазақ балуаны Азия чемпионатында қарсылас шақ келтірмей, чемпион атанды
Мерей Мәулітханов грек-рим күресінен Иорданияда өтіп жатқан 23 жасқа дейінгі жастар арасындағы Азия біріншілігінде топ жарды.Бұл туралы Stan.kz ақпарат агенттігі хабарлайды.
Иорданияның Хашимит қаласында өтіп жатқан Азия біріншілігінде грек-рим күресінің шебері Мерей Мәулітханов қарсылас шақ келтірмей, жарыс жеңімпазы атанды. 72 келіде белдескен балуанымыз ақтық сында өзбек балуаны Абдулло Алиевтің мысын басып, 23 жасқа дейінгілер арасындағы Азия біріншілігінің жеңімпазы атанды. Одан бөлек, финалға үш балуанымыз жолдама алып, өкініштісі үшеуі де күмісті қанағат тұтты. Диас Әскербай (67 келі), Расул Жүніс (77 келі) және Әмір Төлебаев (82 келі) ақтық сында қарсыластарына есе жіберді.
Айта кетейік, бұған дейін 17 жасқа дейінгілер арасында сынға түскен Шәміл Досбол 60 келіде қарсылас шақ келтірмей, екінші рет Азия чемпионатында топ жарғанын жазған едік.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
Алайда биыл елордалықтар жергілікті бюджет қаржысын үнемдеген көрінеді
"Өліп қала жаздаған кездерім болды": Қарызға батып жезөкше болған қазақстандық табысы туралы айтты
Ләйлә: "Тапқан ақшаның 50%-ын мен алсам, қалған жартысын өзі алады және бізді қорғайтын адамдарға береді"