Қайрат Сатыбалдының бұрынғы әйелі екі айға қамауға алынды
Гүлмира Сатыбалды екі айға қамауға алынды, деп хабарлайды Нұр-Сұлтан қаласының мамандандырылған ауданаралық тергеу сотына сілтеме жасаған Stan.kz.
"2022 жылдың 18 наурызында Нұр-Сұлтан қаласының мамандандырылған ауданаралық тергеу соты күдікті Сатыбалды Г.К.-ға қатысты 2 ай мерзімге қамауға алу түріндегі бұлтартпау шарасына санкция берді", - делінген сот хабарламасында.
Сот Қылмыстық іс жүргізу кодексінің 201-бабына сәйкес, сотқа дейінгі тергеп-тексерудің басқа да мәліметтерін жария етуден бас тартты.
Еске салайық, осы қарсаңда Қайрат Сатыбалдыұлының бұрынғы әйелі ұсталғаны белгілі болды. Гүлмира Сатыбалды және басқа да адамдар бизнесті басып алды деген күдікке ілінді.
Қайрат Сатыбалдыұлының өзі 13 наурызда "Қазақтелекомның" қаржысын жымқырды деген айыппен ұсталған болатын.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған