Қайрат Сатыбалды екі айға қамауға алынды
Нұрсұлтан Назарбаевтың немере інісі Қайрат Сатыбалды екі айға қамауға алынды. Бұл туралы Нұр-Сұлтан қаласының мамандандырылған ауданаралық тергеу соты мәлімдеді, деп хабарлайды Stan.kz ақпарат агенттігі.
"2022 жылдың 15 наурызында Нұр-Сұлтан қаласының мамандандырылған ауданаралық тергеу соты күдікті Қайрат Сатыбалдыұлына қатысты 2 айға қамауға алу түрінде бұлтартпау шарасына санкция берді", – делінген ресми хабарламада.
Сот мамандарының айтуынша, Қылмыстық-процессуалдық кодекстің 201-бабы бойынша сотқа дейінгі тергеуге қатысты мәліметтерді жариялауға болмайды.
Айта кетсек, 13 наурызда Қайрат Сатыбалдының ұсталғаны белгілі болды. Сыбайлас жемқорлыққа қарсы іс-қимыл агенттігінің мәліметінше, Сатыбалды қызмет лауазымдық өкілеттіктерін асыра пайдалану және "Қазақтелеком" АҚ-ның қаражатын ұрлау фактісіне күдікті деп танылған.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"