“Бұл аймақтың ауасы онсыз да таза емес. Жақын маңда көмір тұйықтары, зауыт және күл үйіндісі бар. Бірақ осы жағдайларға қарамастан, нысан салынып, жабдық орнатылып қойды. Тіпті сынақтан өтіп жатыр”, – дейді тұрғындар.

Олар осы шағын қазандықта медицина қалдықтарын жағуды жоспарлап отыр. Кәсіпорын толығымен құпия түрде іске қосылып жатыр дейді жергілікті тұрғындар. Курьяновский ауылы атанған Қарағандының шетіндегі өңірде бірнеше өндірістік нысандар жұмыс істеп тұр.

"Олар ешкімнен ештеңе сұрамайды". Зауыт салғылары келеді, салады. Күл үйіндісін жинағысы келсе, жинай салады. Жалпы, өзенді де басқа жаққа бұра салады. Олар қалағанын істейді. Ал біз уланып отырамыз. Олар жай ғана адамдарды мазақ етеді”, – дейді тұрғын Петимат Сұлтанова.

Тұрғындардың наразылығына қарамастан, кәсіпкер жабдықты орнатуға кірісіп кеткен.

“Мен бұған 30 миллион жұмсадым. Тіпті шағын презентация жасадық. Бірақ картонды жағу кезінде заманауи пештен шыққан қара түтін тұрғындарды одан сайын қорқытып отыр. Бірінші деңгей, медицина қалдықтарының өзін күйдіреді. Екінші деңгей, жоғары температурада, 1000 градусқа дейін, ол осы қоқыстан шыққан барлық затты, түтіндерді күйдіреді. Ол барлық шығарындыны толығымен күйдіреді. Ал үшінші кезеңде иісті кетіретін сүзгілер жұмыс істейді. Пеште қарқынды процесс жүріп, таза ауа шығады”, – дейді кәсіпкер Мейрам Қазымов.

Кәсіпкердің бұл әрекеті тұрғындарды ғана емес, шенеуніктерді де таңғалдырды. Мемлекеттік экологтардың айтуынша, олардан пешті орнатуға және іске қосуға ешкім рұқсат алмаған.

“Пеш орнатылды. Бірақ бұл – өрескел бұзушылық. Рұқсат құжаттарынсыз, жобаның мемлекеттік экологиялық сараптамадан өтпегені, қорытындының болмауы заң бұзушылық саналады. Әкімшілік нысанды жауып, айыппұл салып, жұмысын уақытша тоқтата тұру керек. Бірақ материалды сотқа беру керек”, – деді Қарағанды облысы бойынша экология департаментінің маманы Дамир Рамаев.

Тоқтап тұрған зауыт құрылысына қатысты қоғамдық тыңдалым желтоқсан айының ортасына жоспарланған. Бірақ тұрғындар оны жабуды талап етіп, алдын ала қол жинай бастады. Олар барлық тиісті бөлімдерге шағым түсіруді жоспарлап отыр.

Айта кетейік, бұған дейін Шығыс Қазақстан облысы Күршім ауданы Маралды ауылындағы алтын өндіретін фабрика 26 қараша күні іске қосылған еді. Алайда жергілікті тұрғындар жер қойнауын пайдалану туралы кодекстің бұзылғанын алға тартып, қарсы шыққан.

Талқылау