Жуырда ғана бостандыққа шыққан кәсіпкер Бақыт Ибрагим өлі табылды
Жуырда ғана бостандыққа шыққан кәсіпкер Бақыт Ибрагим өлі күйінде табылды. Бұл туралы Stan.kz ақпарат агенттігі хабарлайды.
Алматы қалалық полиция департаменті ақпаратты растады.
"Аталмыш факті бойынша "Өзін-өзі өлтіруге итермелеу" бабы бойынша қылмыстық іс қозғалды. Сараптама тағайындалды. Оқиғаның мән-жайы анықталуда", – делінген хабарламада.
Еске салсақ, 2020 жылдың қарашасында Qazaq Banki-нің бұрынғы акционері Бақыт Ибрагим Bank RBK қаржысын жымқырғаны үшін кінәлі деп танылып, 8 жылға бас бостандығынан айырылған еді. 2024 жылдың ақпанында Ибрагимнің тергеу изоляторында болған уақыты ескеріліп, жазасын толық өтеген соң түрмеден босатылғаны белгілі болды.
БАҚ-тағы ақпаратқа сүйенсек, Бақыт Ибрагим – Алматының экс-әкімі Бақытжан Сағынтаевтың бұрынғы күйеу баласы.
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады
2,8 шақырымға 4 миллиард теңге жұмсалған: Жетісу облысындағы сарқырамаға апаратын жолдың құрылысы әлі бітпей тұр
Сарқырамаға апаратын жол 2027 жылы қолданысқа берілмек