Қаржы мониторингі агенттігіне бұрынғы басшы қайта келді
Мемлекет басшысы Қасым-Жомарт Тоқаев Қаржы мониторингі агенттігінің төрағасы қызметіне жаңа басшы тағайындады. Бұл туралы Stan.kz ақпарат агенттігі хабарлайды.
Фото: primeminister
Президенттің Жарлығымен Дмитрий Малахов Қазақстан Қаржы мониторингі агенттігінің төрағасы лауазымынан босатылды. Бұл лауазымға Жанат Элиманов тағайындалды. Ол бұрынғы атқарған лауазымынан босатылды.
Айта кетейік, бұған дейін Жанат Елиманов 2021 жылдың 28 қаңтарынан 2024 жылдың ақпанына дейін Қаржы мониторингі агенттігінің төрағасы қызметін атқарған.
Жанат Элиманов 45 жаста, Қарағанды қаласында дүниеге келген. Білімі жоғары. 1999 жылы Бөкетов атындағы Қарағанды мемлекеттік университетін (құқықтану мамандығы бойынша) бітірген.
Еңбек жолын 2000 жылы Қарағанды прокуратурасының сот шешімдерінің заңдылығын және атқарушылық өндірісті қадағалау бөлімі прокурорының міндетін атқарушы болып бастаған.
Айта кетейік, бұған дейін Қаржы мониторингі агенттігі контрагенттерге 4 миллиард теңгеден астам сомаға жалған бухгалтерлік құжаттар жазып берген ақтөбелікке іздеу жариялаған еді.