Қарағандыда ​​балабақша қызметкерінің бүлдіршінге күш көрсеткен сәті бейнежазбаға түсіп қалған

Қарағандыда тәрбиешінің көмекшісі баланың шашынан тартып, күш көрсеткен, деп хабарлайды Stan.kz ақпарат агенттігі.

Әлеуметтік желіде әйелдің 3-4 жасар қыздың шашын бірнеше рет тартқаны түсірілген бейнежазба тарады. Бейнежазба авторының айтуынша, оқиға Майқұдықтағы №12 шағын ауданындағы "Арман" бөбекжайда болған.

"Майқұдықтағы 12-шағын ауданда орналасқан "Арман" балабақшасы. Қараңдаршы, мұғалім қыздың шашын қалай тартып жатыр! Мынаны видеодан байқаусызда көріп қалдым. Бұл қыздың ата-анасы баласын кімге тастап кеткендерін білмей жүрген шығар. Кеше бұл балабақшаға цирк келді, міне олар ондағы балаларға осылай қарайды...", - деп жазады автор.

Қарағанды ​​қаласының білім бөлімі оқиғаның "Арман" балабақшасында болғанын растады.

"1 ақпанда "Арман" балабақшасының әкімшілігі білім бөліміне тәрбиешінің көмекшісінің балаға дөрекілік танытқаны туралы хабарлаған. Жұмыста мұндай фактілерге жол беруге болмайды. Баланың ата-анасынан кешірім сұралды", - деді ​​білім бөлімі.

Сондай-ақ, білім бөлімі балабақшаны тексеретінін айтты.

"Балабақша директорына еңбек заңнамасы аясында еңбек шарты бұзылғанға дейін қызметкердің тәртіптік жауапкершілігі туралы мәселені қарау ұсынылады", - деп атап өтті қалалық білім бөлімі.