Қарағанды облысының тұрғыны 1978 жылдан бері КСРО төлқұжатымен өмір сүрген
Фото: Украина қауіпсіздік қызметі
Қарағанды облысының тұрғыны 1978 жылы алған КСРО паспортын жаңасына ауыстырды. Бұл туралы Stan.kz ақпарат агенттігі “Индустриальная Караганда” басылымына сілтеме жасап хабарлайды.
"Мен 1978 жылы паспорт алған едім, содан бері оны уақтылы жеке куәлікке алмастыру мүмкіндігім болмады. Осындай жанашыр полицейлердің бар екеніне шын жүректен ризамын", – деп жазды өз алғыс хатында Ольга Кирихкеслер.
Ол көші-қон қызметі қызметкерлеріне өз мәселесін шешу кезінде көрсеткен ілтипаты мен жедел жұмысы үшін алғыс білдірді. Осылайша, 1974 жылғы үлгідегі кеңестік паспортын жаңартып, Қазақстан азаматтығын алу мүмкіндігіне ие болды.
Басылым мәліметінше, бұл жеке жағдай емес. Биыл өңірде осындай қиындыққа тап болған 142 адам Қазақстан азаматтығын алған. Бұған дейін олар түрлі себептермен жеке куәлік рәсімдей алмаған. Өткен жылы облыс бойынша 112 адам кеңестік паспорттарын жаңа үлгіге ауыстырған.
Қазақстандық ер адам желідегі пікірі үшін қамауға алынды: Ол аккаунт жалған екенін айтып отыр
Полиция Дмитрий Бородаевтың ісіне қатысты тергеп-тексеру жұмыстарын жүргізіп жатыр
Павлодар облысында екі әйелдің босанған соң жатыры алынып, бірі сәбиінен айырылған
Сарапшылардың қорытындысына сәйкес, кесарь тілігінен кейін әйелдің жағдайына тиісті медициналық бақылау жүргізілмеген