Қарағанды облысында тал түсте атыс болып, бір адам зардап шекті (видео)
Шет ауданы, Ақадыр ауылында ер адамға оқ атқан күдікті жергілікті тұрғындардың зәресін алды. Атыс кезінде бір адам жараланды. Бұл туралы Stan.kz ақпарат агенттігі “Патриот” арнасына сілтеме жасап хабарлайды.
Фото: Видеодан скрин
Әлеуметтік желіде тараған видеодан мылтық ұстаған ер адамның тапа-тал түсте белгісіз біреуді көздеп, атуға оқталғанын көруге болады. Салдарынан бір адамның аяғына оқ тиіп, ол ауруханаға жеткізілді.
Полиция болған жағдайға қатысты пікір білдірді.
“Ақадыр ауруханасына аяғынан жараланған жергілікті тұрғын келіп түсті. Полиция адам өлтіруге оқталу бабы бойынша қылмыстық іс қозғады. Оқиғаға қатысы бар тұлғалардың бәрі анықталды. Қазіргі кезде тергеу жүргізіліп жатыр”, – деді Қарағанды облысы полция департаменті баспасөз қызметінің басшысы Бақытжан Құдияров.
Бұған дейін БҚО-да тұрғындарға көмектесіп жүрген құтқарушыға ер адамның пышақ сұққаны туралы жазған едік.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"