Облыс әкімдігінің хабарлауынша, 8 ақпан күні Мұғалжар тауының етегіндегі өзенде су деңгейінің күрт көтерілуі байқалған. Салдарынан еріген су Қызылқоға ауданы Мұқыр ауылының көшелерін басып қалды.

Әкімдік үйлерге су кірмегенін, қазір үйлер мен шаруашылық құрылыстарды су басу қаупінің алдын алу үшін суды сору жұмыстары жүргізіліп жатқанын айтты. Су сору жұмыстарына 15 адам мен техника жұмылдырылды.

Атырауда жаңбырдан кейін емхананы су басқан

"Бүгін таңғы тоғызда Мұқыр ауылындағы сайды су басып жатқаны туралы ақпарат түсті. Ауылда 190 үй бар, ал су одан әрі көтерілсе, тағы 40 үйге қауіп төнуі мүмкін. Оның алдын алу үшін қазір бөгеттер салынып жатыр", – дейді аудандық мемлекеттік-құқықтық, жұмылдыру дайындығы және авариялық-құтқару жұмыстары бөлімінің басшысы Азамат Қаленов.

Осы кезде Сағыз ауылындағы Кеңбай ауылындағы сай бойымен ағып жатқан еріген су да тұрғындарға қауіп төндірді. Әкімдіктің хабарлауынша, үйлердің айналасына су тарту жұмыстары жүріп жатыр.

Миялы ауылының көшелерінде де қар шығару, су сору жұмыстары жүргізіліп, қосымша бес мотопомпа орнатылған.

Еске салсақ, Ақтөбеде қатты бораннан 3 мыңнан астам үй жарықсыз, сусыз қалды.

Талқылау