"Қант әперемін": Тараздық бойжеткен жерлестерінің 2 млн теңгесін алып қашып кеткен
Тараздық полицейлер алаяқтық күдігімен 23 жастағы қызды ұстады, деп хабарлайды Stan.kz ақпарат агенттігі.
Облыстық полиция департаментінің баспасөз қызметінің хабарлауынша, күдікті қыз қант тапшылығы болып жатқан кезде осынау өнімді қиындықсыз тауып беремін деп жұртты алдап, ақшаларын жинап алған.
Алданған бірнеше тұрғын полицияға арызданып, келтірілген шығынның 2 миллион теңгеден асатыны анықталды.
"Полиция қызметкерлерімен жүргізілген "Anti-fraud" жедел-іздестіру жұмыстарының нәтижесінде 23 жастағы Тараз қаласының тұрғыны анықталды. Күдікті кінәсін толық мойындады. Сондай-ақ, оның басқа да осыған ұқсас қылмыстарға қатыстылығы анықталуда", - деп хабарлады Жамбыл облыстық Полиция департаменті.
Қазіргі уақытта аталған дерекке қатысты ҚР Қылмыстық кодексінің 190-бабы 1-бөлігімен (алаяқтық) сотқа дейінгі тергеу амалдары жүргізілуде.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"