Air Astana топ-менеджерлері небәрі үш айда 2,8 млрд теңге сыйақы алған
Air Astana топ-менеджментінің табысы күрт өсті. Биыл басшылыққа төленетін сыйақы 12% өсіп, 2,81 миллиард теңгеге жеткен. Бұл туралы Stan.kz ақпарат агенттігі хабарлайды.
Мәліметтер компанияның 2026 жылғы 31 наурызда аяқталған үш айға арналған аудиттен өтпеген қаржылық есебінде келтірілген.
Шығындардың ең ірі бөлігі – жалақы мен бонустарға кеткен. Оған 1,82 миллиард теңге жұмсалған. Бұл өткен жылғы 1,53 миллиард теңгеден 19% жоғары.
Сонымен қатар 2025 жылдың бірінші тоқсанында 742 миллион теңге болған акцияларға негізделген төлемдер биыл есептелмеген.
ОқыңызБұдан бөлек, еңбек келісімшарттарын тоқтатуға байланысты төлемдер көлемі 841 миллион теңге болғаны назар аудартады. 2025 жылдың бірінші тоқсанында мұндай төлемдер мүлде болмаған. Бұл компания басшылығындағы кадрлық өзгерістерді жанама түрде көрсетеді.
Еске салсақ, наурыз айының соңында Air Astana басшысы қызметінен Питер Фостер кеткен еді. Оның орнына Ибрахим Жанлыел тағайындалды.
"Адам қағып өлтіру, есірткі мен тәртіпсіздіктер": Қоғамды дүр сілкіндірген шенеуніктің ұлы Мақсат Үсенов қалай жазадан құтылып келді?
