Мысал ретінде сюжетте төрт отбасыға арналған Жұмжаев көшесіндегі үй көрсетілген. Жарылыстан кейін тұрғын үйлер пайдалануға жарамсыз деп танылды. Ескісінің орнына жаңасы салынды. Бірақ, адамдардың айтуынша, жаңа баспаналары өздері күткендей болмады.

"Сапасыз пештер орнатылды, жылу жүйесі сәйкес келмейді. Мұнда бүкіл қыс бойы тұра алмадық. Қабырғалары дымқыл, едендері ісінген, сапасыз, плинтустары ажырап, есіктері қисайған", - дейді Арыс тұрғыны Марина Георгиади.

Сондай-ақ, үйде орнатылған жылыту пештерінде де проблемалар бар.

"Үйлерді жақсы салды, бірақ пештерді дұрыс жасамаған. Міне, жапсаң түтін шығады. Терезе мен есіктер жақын жерде орналасқан жақсы. Мен түтінді шығару үшін оны ашып, диірмен секілді айналдырамын. Бақытымызға орай, есік жасалды, сонда жабамын", - деді Арыс тұрғыны Ольга Анпилогова.

Көшедегі басқа тұрғындарда да осындай проблемалар бар. Өткен жылы мұнда үйлерді қалпына келтіруге Нұр-Сұлтаннан 20-ға жуық мердігер тартылды. Жұмыс асығыс орындалды. Алайда құрылысшылар барлық қателіктерді түзетуге уәде берді.

"Құрылыс жұмыстары барысында кемшіліктер болды, біз оларды жоюға уәде бердік. Біз ертерек келуді жоспарладық, бірақ карантинге байланысты мүмкін болмады. Эпидемиологиялық жағдай жақсарған соң бәрін жөндейміз. Өткен жылы құрылыс кестесі өте тығыз болды. Оларды алғашқы суық ауа райына дейін аяқтау маңызды болды", - деп түсіндірді қалалық құрылыс бөлімінің инспекторы Бағдат Битлесов.

Мердігер ұйымның өкілдері, журналистердің анықтауы бойынша, барлық мәселелер туралы біледі.

5 жылдық кепілдік мерзімі бар, оның аясында мердігерлер Шартқа сәйкес қателерді жоюға міндеттенеді. Компаниялар міндеттемелерден бас тартпайды. Арыстағы 8 мың үйдің ішінде өткен жылғы жарылыс кезінде 7 мыңнан астамы бүлінген. Оның 400-і қайта салынды. Жұмысқа 500-ден астам компания мен 10 мыңға жуық құрылысшы тартылды.

Бұған дейін Арыс тұрғындары өз үйлерін жөндеу сапасына наразы екендігі хабарланған еді. Оншақты адам Арыс қаласына тексеріспен келген Асқар Маминге шағымданды. Барлығын үйілеріне жөндеу жұмыстарын жасай ма, жоқ па деген сұрақ толғандырады

Талқылау