Қазақстандық Италияда вандализм үшін ұсталды: Ол өз есімін ежелгі тарихи қабырғаға жазған
Қазақстандық турист Италиядағы Помпей археологиялық саябағындағы Цеев үйінің ежелгі қабырғасында ALI сөзін жазғаны үшін ұсталды. Ер адамға залалды қалпына келтіру міндеттеледі. Бұл туралы Stan.kz ақпарат агенттігі Euronews порталына сілтеме жасап хабарлайды.
Фото Parco Archeologico di Pompei - Ministero della Cultura
Мұражай кеңсесінің мәліметінше, қазақстандық азаматты сенбі күні таңертең қауіпсіздік қызметкерлері Цеев үйіндегі жеңіл сылаққа ALI әріптерін ойып салғаннан кейін ұстаған. Оқиға туралы саябақтың жанында орналасқан стационарлық карабинер постына хабарланған.
Деректерге сай, енді турист сәулет ескерткішіне келтірілген залалдың орнын толтыруы шарт. Залалдың нақты сомасы техникалық сараптама жүргізілгеннен кейін айтылады.
Цеев үйі – 1913-1914 жылдары қазылған соңғы самниттік кезеңдегі (б.з. д. II ғасыр) ежелгі тұрғын үйдің сирек кездесетін мысалдарының бірі. Сол себепті мұрайжадағы қабырғалардың өзі ерекше бақылауға алынған. Видеода мұражай көрсетілген.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"