"Ит арқасы қиянда" тіркесі қайдан пайда болған?
Кейбір тұрақты сөз тіркестерін жиі естиміз, олардың түпкі мағынасын, қайдан шыққанын біле бермейміз. Бүгінгі материалымызда "ит арқасы қиянда" тіркесі туралы айтамыз.
Ит арқасы қиянда — алыс, шалғай мағынасындағы тұрақты сөз тіркесі. Неліктен ит арқасы қиянда деп аталғаны туралы әлі күнге дейін интернет беттерінде материал жоқ.
Алдымен, бұл тіркестегі "итарқа" сөзінің мағынасын біліп алғанымыз жөн.
Итарқа — көш-қон кезінде екі керегенің басын түйістіріп тіккен баспана. Ата-бабаларымыз көшіп-қонып жүргенде осы баспана түрін жиі пайдаланған. Кейде, тіпті, кейбір қыстауларға итарқа тігіп, сол жерде қалдыратын болған. Көшіп кеткен соң, итарқалар көз ұшында алыстап қалады екен. Сондықтан да, алыс, шалғай деген мағынаны білдіруде "Ит арқасы қиянда" деген тіркесті қолданған.
Бұл тіркес қазіргі таңда әдеби сөздердің қатарында белсенді қолданылатын тіркес болып табылады.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр