"Ішімнен тынамын": Мақпал Жүнісова өзін "кемпір" дейтіндерге ренішін жеткізді

Халық әртісі Мақпал Жүнісова өзін кемпір деп атайтындарға жауап берді. Бұл туралы Stan.kz ақпарат агенттігі хабарлайды. 

Фото: https://www.instagram.com/zhunusova.makpal/

Өнер иесінің айтуынша, кемпір дегенді шалы бар адамдар айтатын көрінеді. 

“Бізді кемпір деп айтып қалып жатқандарды көреміз. Шалы бар әйелдерді кемпір десе жарасады. Оның үстіне шалы да, “Әй, кемпірім” деп шақырады. Біздің күйеуіміз жоқ. Сондықтан бізді “Қыз-ау” дегендерің дұрыс. Сол сөз де өзімізге ұнайды”, – деді әнші. 

• "Өзіңізді пәк сүйемін": Мақпал Жүнісова марқұм Заманбек Нұрқаділовтің 20 жыл бұрынғы жазған хаттарын жариялады

• "Қай жақтың әскері деп шошып кеттім": Атхамбек Юлдашев Мақпал Жүнісоваға сахнада тосынсый жасады

Сондай-ақ халық әртісі ойланбай сөйлеп, көңілге қаяу түсіретіндерге де үндеу жасады. 

“Ауыз өзімдікі деп айтады ғой. Мысалы, менде де ауыз бар, жанымнан өтіп бара жатқан әр замандасқа “әй кемпір” десем дұрыс болмайды. Мені сол үшін балағаттауы да мүмкін. Мен ішімнен ғана тынамын да қоямын әйтеуір”, – деп ренішін жасырмады әнші. 

Еске салайық, Мақпал Жүнісова марқұм күйеуінің 33 мың долларға алған қымбат сыйлығын көрсеткен еді.