"Уақытты қайтару" петициясын қарау жөніндегі жұмыс тобы мүшелерінің бірінің өтінішіне жауап ретінде Халықаралық табиғи уақыт альянсы (IANT) хронобиология докторы, философия ғылымдарының докторы, құрметті профессоры және Мюнхен университетінің аға ғылыми қызметкері, Еуропалық биологиялық ырғақтар қоғамының, Хронобиология қоғамдарының бүкіләлемдік федерациясының және Еуропалық ұйқы зерттеу қоғамның мүшесі Тилль Роённберг, философия ғылымдарының докторы, Лиссабон университетінің профилактикалық медицина профессоры, ESRS, EBRS және SRBR білім беру кеңесінің мүшесі Кейт Рейс, философия ғылымдарының докторы, өнер және ғылымның құрметті профессоры, Вашингтон университетінің зертхана директоры және SRBR мүшесі Эрик Херцогтың қол қойған үндеуін ұсынды.

Бірыңғай уақыт белдеуі қазақстандықтардың денсаулығына кері әсер етті ме – Министр жауап берді

IANT үндеуінің мәтінін жұмыс тобының мүшесі Болат Нұрғожаев петицияның талқылауында оқыды.

“Альянс дүниежүзілік үйлестірілген уақыт (UTC) жүйесін қолдануды қолдайды. Ол 24 географиялық сәйкес уақыт белдеулерінен тұрады. Мұнда 12:00 әр уақыт белдеуінің меридианында талтүс (күн зенитте) сәйкес келеді. Бұл адамның биоритмдерін табиғи күн ритмдерімен синхрондауға мүмкіндік береді, бұл көптеген зерттеулер көрсеткендей, денсаулық үшін оң нәтижелерге ие. IANT Қазақстан үкіметінің шығыс облыстарын UTC+5 белдеулік уақытына қайтару туралы шешімін қолдайды. Бұл – 12:00-де күн ортасы келетін уақыт белдеуі. UTC+5 Қазақстанның ірі шығыс облыстарының бойлықтарына сәйкес келеді және халық үшін ең денсаулыққа қолайлы таңдау. Қазақстанның мысалы басқа елдер үшін үлгі бола алады”, – делінген үндеу мәтінінде.

Табиғи стандартты уақытты қолдану азаматтардың физикалық және психикалық денсаулығын жақсарту, ұйқы сапасын арттыру және жұмыс қабілетін арттыру үшін ең жақсы таңдау дейді олар.

Еске салайық, 1 наурызда Қазақстанның барлық аймағы бір уақыт белдеуіне ауысқанын жазған едік. Алайда бірыңғай уақыт белдеуіне көшкеннен кейін қазақстандықтар жарыққа көп шығынданатын болды. Наурызда ел тұрғындары ақпан айымен салыстырғанда электр энергиясын 364 млн кВт/сағат артық пайдаланған.

Бұған дейін бірыңғай уақыт белдеуіне қарсы петиция 50 мың қол жинағаны туралы жазған едік.

Талқылау