Головкин Шереметаны нокаутпен жеңгеннен кейін мәлімдеме жасады

Қазақстандық боксшы Геннадий Головкин орта салмақтағы IBF және IBO тұжырымдары бойынша польшалық Камил Шереметаға қарсы жекпе-жекте әлем чемпионы атағын қорғауына байланысты пікір білдірді, деп хабарлайды Stan.kz ақпарат агенттігі. 

Жекпе-жек бүгін Флорида штатындағы Холливудтағы Seminole Hard Rock Hotel & Casino аренасында өтті. Жекпе-жек GGG-дің мерзімінен бұрын жеңісімен аяқталды. Шеремета жетінші раундтан кейін күресті жалғастырудан бас тартты. Геннадийдің айтуынша, төрт нокдаунға төтеп бере алған қарсыласының төзімділігіне таңғалмаған.

"Бұл мен үшін үлкен тосынсый болған жоқ, өйткені бұл жоғары деңгей. Камил Шеремета - керемет боксшы. Жарайды, жігіттер, мен таңданбаймын. Мен өзімді өте жайлы сезінемін, өйткені көп жұмыс жасадым, көп уақытым болды. Менің қасымда мені қолдайтын жақсы адамдар көп. Мен өз командамды мақтан тұтамын", - деді Геннадий жекпе-жектен кейін.

Айта кетейік, бүгін қазақстандық боксшы Геннадий Головкин польшалық Камил Шереметаны жеңді. Жекпе-жек барысында Головкин қарсыласын 4 рет нокдаунға жіберді. Төрешілер жекпе-жекті 7 раундтан кейін тоқтатуға шешім қабылдады. Өкінішке орай, АҚШ-тың Флорида штатындағы Холливуд қаласында өткен бокс кешінде қазақстандық Әли Ахмедов жеңіліс тапты.

Талқылау
Пікір
Қазір оқып жатыр
Çàãðóçêà...
Қазір оқып жатыр