Головкин мен Канело бокс кешінде бірге көзге түсті
Әлемнің бұрынғы чемпионы, қазір Қазақстан Ұлттық Олимпиада комитеті мен World Boxing ұйымының басшысы қызметін атқаратын Геннадий Головкин Гизада өткен Александр Усик пен Рико Верхувен арасындағы жекпе-жек кешіне қатысты.
Кеш барысында түсірілген кадрлардың бірінде Геннадий Головкиннің жекпе-жекті Сауль Альварес және Энтони Джошуамен бір қатарда отырып тамашалаған сәті байқалды.
Жекпе-жек 11-раундта аяқталып, жеңіс украиналық боксшы Александр Усикке бұйырды. Осылайша ол ауыр салмақтағы WBA (Super), WBC және The Ring нұсқалары бойынша әлем чемпионы атақтарын сақтап қалды.
Айта кетейік, Геннадий Головкин мен Сауль "Канело" Альварес 2017–2022 жылдар аралығында Лас-Вегаста үш рет кездескен. Алғашқы жекпе-жек тең аяқталса, 2018 және 2022 жылдардағы кездесулерде жеңіс мексикалық боксшыға берілген еді.
Кейін бұл жекпе-жектер жасанды интеллект көмегімен талданған. Талдау нәтижесінде Геннадий Головкин үш кездесудің екеуінде басым болғаны көрсетілгені хабарланған.
Қазақстандық түрмелерде сотталғандар енді отбасымен видеотаксофон арқылы сөйлесе алады
Қазір ел бойынша 18 мекемеде 86 видеотаксофон орнатылды
"Дипломынан айырылғалы отыр": Алматыда әскерге күштеп әкеткен студенттің анасы президенттен араша сұрады
Жанаттың айтуынша, ұлы Қазақ ұлттық аграрлық зерттеу университетінің күндізгі бөлімде мемлекеттік грант негізінде білім алып жүрген