Геннадий Головкиннің келесі жекпе-жегі өтетін уақыт белгілі болды
Golden Boy Promotions промоутерлік компаниясының негізін қалаушы Оскар Де Ла Хойя өзінің клиенті - бірінші орта дивизионның бұрынғы чемпионы мексикалық Хайме Мунгия мен орта дивизионда IBF және IBO титулдарының иегері қазақстандық Геннадий Головкин арасындағы жекпе-жекті ұйымдастырып жатқанын растады, деп хабарлайды Stan.kz ақпарат агенттігі.
Бұған дейін промоутер тараптар келіссөздер жүргізіп жатқанын айтқан.
Жекпе-жек 5 мамырда атап өтілетін мексикалық мереке - Синко де Майоға жоспарланған.
"Головкин-Мунгия жекпе-жегі - бұл қазір жұмыс істеп жатқан нәрсе. Бұл бәріне қызықты дуэль. "Синко де Майо". Осындай чемпиондық жекпе-жектің осы демалыс күндерінің хедлайнері болатынын елестетіп көріңізші? Бұл жарылыс болады", - деді Boxingscene.com-ға берген сұқбатында Де Ла Хойя.
Мунгия өзінің соңғы жекпе-жегін қазан айында өткізді. Алтыншы раундта багамдық ардагер Туреано Джонсонды мерзімінен бұрын жеңді.
Ал Головкин желтоқсан айында Камил Шереметаны нокаутқа түсіріп, 21-ші рет әлем чемпионы атағын қорғап қалды.
"Жұмыстан шығаруға негіз емес: Астанада туристің видеосынан кейін жұмыстан қуылған полицейлерге қатысты заңгерлер пікір білдірді
Блогермен бірге әзілдесіп, видеоға түсуі қызметтік этика тұрғысынан дұрыс болмаған дейді заңгер
Қазақстандық Америка шөлінің қақ ортасында қалай киіз үй тігіп, 5 мың адамға ет асты
Жобаны Tengri Camp командасы ұйымдастырды