Ғалымдар вакциналардың әйелдер мен еркектерге тиімділігін салыстырды
Ғалымдар коронавирусқа қарсы вакцинаның әсері оны салдырған адамның жынысына байланысты өзгереді деген қорытындыға келді, деп хабарлайды Stan.kz ақпарат агенттігі Business Insider-ге сілтеме жасап.
Pfizer вакцинасының тиімділігі ерлерде 96,4 пайыз, ал әйелдерде 93,7 пайыз екендігі белгілі болды. Ал Moderna ерлерде 95,4 пайыз, әйелдерде 93,1 пайыз тиімділік көрсетті. Johnson & Johnson препараты ерлерде 68,8 пайызға және әйелдерде 63,4 пайызға тиімді.
Сарапшылар коронавирусқа қарсы вакцинацияның ерекшелігін түсіндіретін түрлі болжамдар жасады.
Әйелдер аурудың белгілері туралы жиі хабарлауға және COVID тестін тапсыруға бейім екені атап өтілді.
Сонымен қатар, мамандар вакцинациядан кейін коронавирусты негізінен 40 пен 74 жас аралығындағы адамдар жұқтыратынын айтты. Осы кезде әйелдерде менопауза пайда болады, бұл инфекцияға бейімділікке әсер етуі мүмкін.
"Ерлер мен әйелдер арасындағы биологиялық айырмашылықтар және оларға вакцинаның әсері туралы мәселеге тиісті дәрежеде назар аударылмады", - деді Джонс Хопкинс Әйелдер денсаулығы, жыныстық қатынас және гендерлік зерттеулер орталығының қызметкері Сабра Клейн.
Әдетте әйелдерде вакциналарға ерлерге қарағанда күшті иммундық жауап бар, бұл көбінесе қорғанысқа әкеледі. Ғалымдар эстрогеннің жоғары деңгейі бұл жерде маңызды рөл атқарады деп санайды, өйткені эстроген иммундық жүйені ынталандырады.