Ғалымдар: "Спутник V" вакцинасы Pfizer-ге қарағанда омикрон штамына төзімдірек

Ресейлік "Спутник V" вакцинасының Pfizer препаратымен салыстырғанда омикрон штамына қарсы тиімділігі әлдеқайда жоғары болды, деп хабарлайды Stan.kz ақпарат агенттігі Reuters-ке сілтеме жасап.

Италиядағы Lazzaro Spallanzani ұлттық жұқпалы аурулар институтының ғалымдары және Ресей Гамали орталығы қызметкерлері Спутник V мен Pfizer вакциналарының омикрон штамына қарсы иммундық жауап деңгейін салыстырды. Зерттеу "Спутник V" және Pfizer вакцинасы егілген азаматтардың қан үлгілері негізінде жүргізілді. 

Мамандар "Спутник V" вакцинаның екінші дозасын алғанына үш-алты ай өткен 51 адамның антиденелерінің деңгейі Pfizer салдырғандарға қарағанда омикронға төзімді екенін анықтаған.

“Спутник V" вакцинасының антиденелері омикрон штамына 2 есе төзімділікті көрсетті.  Спутник V салдырғандардың 74,2 пайызының қанында омикрон бейтараптандырылса,  Pfizer-де бұл көрсеткіш 56,9 пайыз болды”, – делінді зерттеуде.