Футзалдан Қазақстан құрамасының әлем чемпионатындағы қарсыластары белгілі болды
Футзалдан Қазақстан құрамасы қыркүйек айында Өзбекстанда өтетін әлем чемпионатындағы бақ сынайды. Бұл туралы Stan.kz ақпарат агенттігі хабарлайды.
Фото: ҚФФ
Футзалдан Қазақстан құрамасының Өзбекстанда өтетін әлем чемпионатындағы қарсыластары белгілі болды. 14 қыркүйекте бастау алатын дүбірлі додада құрамамыздың топтық кезеңдегі қарсыластары мен ойын кестесі анықталды. Өзбекстандағы доп додасында құрамамыз "D" тобында Испания, Ливия және Жаңа Зеландия құрамаларына қарсы ойнайды. 15 қыркүйекте Әндіжанда испандармен кездессе, 18 қыркүйекте Ливия құрамасымен жолығады. Ал 21 қыркүйек күні Ташкентте Жаңа Зеландия футзалшыларымен өзара мықтыны анықтайды.
Айта кетейік, Қазақстан құрамасы бұған дейін әлем біріншілігінде жартылай финалға дейін жетіп, төртінші орын алған. Бұл отандық футзал тарихындағы үздік көрсеткіш.
Талқылау
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
Екатерина Жанғарина: "Екі үлкен шәугім сүті бар шай беріп, "құя бер" деді"
Желіде тілі шықпаған баланы қой ішегімен қылқындырғандардың видеосы тарады: Логопед-дефектолог ырымның үлкен қаупін айтты
Балаға психологиялық әрі физикалық қауіп төнеді