Freedom Банк алғаш рет Sibos форумына өзінің жеке павильонымен қатысты

Биыл Sibos форумы Майамиде 28 қыркүйектен 1 қазанға дейін өтеді. Форум жыл сайын бүкіл әлемдегі жетекші банктердің, қаржы институттарының, төлем компанияларының және технологиялық сектор өкілдерінің басын қосады.

Freedom Майамидегі Sibos 2026 көрме алаңында қонақ ретінде емес, жеке көрме-ақпараттық аймағы бар толыққанды қатысушы ретінде ұсынылған жалғыз қазақстандық банк болды.

Банк павильонының тұжырымдамасы банк өнімдері мен қызметтерін дәстүрлі таныстыру шеңберінен әлдеқайда кең. Оның негізгі міндеттерінің бірі – халықаралық қаржы қауымдастығын Қазақстанмен, еліміздің мәдениетімен, дәстүрлері және ұлттық болмысымен таныстыру.

Осының арқасында Sibos қонақтары Банк пен Freedom экожүйесі туралы ғана емес, сонымен қатар бай мәдени мұрасы бар, заманауи әрі халықаралық қаржы жүйесіндегі рөлі артып келе жатқан Қазақстан туралы да кеңірек біле алады.

"Біз Sibos форумына бірнеше жылдан бері қатысып келеміз, бұған дейін Қытай Халық Республикасында және Германияда өткен форумдарға да бардық. Алайда биыл Freedom Банкті Sibos-та жеке павильоны бар толыққанды қатысушы ретінде таныстыруды ұйғардық. Біз үшін бұл - халықаралық банк қауымдастығына Freedom туралы айтып берудің ғана емес, сонымен қатар Қазақстанды таныстырудың да мүмкіндігі. Біз еліміздің заманауилығы мен әлемге ашықтығын көрсетіп, сонымен бірге ұлттық болмысымыз бен қазақ дәстүрлеріне деген құрметімізді атап көрсеткіміз келді. Біз Қазақстан брендінің әлемде одан әрі танымал болуына, сонымен қатар онымен бірге Freedom брендінің де танымалдығы арта түсуіне үлес қосқымыз келеді. Сондықтан павильонымыздың стилистикасында ұлттық нақыштардың болуы кездейсоқ емес. Біз үшін халықаралық серіктестеріміздің, корреспондент-банктеріміз бен контрагенттеріміздің тек қаржылық мүмкіндіктерімізбен ғана емес, сонымен қатар елімізбен, оның мәдениетімен және құндылықтарымен де танысқаны маңызды", — деді Freedom Банкінің Басқарма төрағасының бірінші орынбасары Тимур Агдавлетов.

Sibos форумы аясында Банк командасы қолданыстағы және әлеуетті корреспондент-банктермен, қаржы институттарымен және халықаралық серіктестермен көптеген кездесулер өткізуде. Бірқатар кездесулер өтіп қойды, ал мазмұнды іскерлік бағдарлама конференция аяқталғанға дейін жалғасады.

Келіссөздердің негізгі тақырыптары - корреспонденттік қатынастарды дамыту, халықаралық төлемдер, сауданы қаржыландыру, валюталық операциялар, цифрлық қаржылық сервистер және Freedom-ның әлемдік қаржы жүйесінің ірі қатысушыларымен ынтымақтастығын одан әрі кеңейту.

"Біздің мұнда болуымыздың басты мақсаты — тікелей қарым-қатынас орнату. Біз серіктестерімізді Freedom экожүйесімен таныстырып, Қазақстанның қаржы секторының қалай дамып жатқанын көрсеткіміз және ынтымақтастықтың жаңа бағыттарын талқылағымыз келеді. Қонақтардың павильонға деген қызығушылығы мен өткізілген кездесулердің санына қарап, бүгінгі таңда Қазақстан мен Freedom халықаралық қаржы қауымдастығының шын мәнінде үлкен қызығушылығын тудырып отырғанын көруге болады", — деді Тимур Агдавлетов.

Sibos – әлемдік қаржы индустриясына арналған, Swift ұйымдастыратын жыл сайынғы халықаралық конференция және көрме. Оған әлемнің түкпір-түкпірінен мыңдаған басшылар, сарапшылар мен қаржы ұйымдарының өкілдері қатысады. Sibos халықаралық төлемдерді, корреспонденттік банкингті, сауданы қаржыландыруды, бағалы қағаздармен жұмыс істеуді, өтімділікті басқаруды және қаржылық технологияларды дамыту мәселелерін талқылайтын негізгі жаһандық алаңдардың бірі болып табылады.

ҚР ҚНРДА-ның банк және өзге де операцияларды жүзеге асыруға арналған 2026 жылғы 7 шілдедегі № 1.1.551.129 әмбебап банк лицензиясы.

Жарнама құқығында