ЕУРО-2024: Түркия мен Нидерланды ширек финалда
Түркия мен Нидерланды құрамасы 2024 жылғы Еуропа чемпионатының ширек финалына шықты. Енді қос құрама бір-біріне қарсы ойнайды. Бұл туралы Stan.kz ақпарат агенттігі хабарлайды.
Фото: Gettyimages.ru/
Еуропа чемпионатының плей-офф кезеңінде Түркия мен Нидерланды құрамасы жеңіске жетіп, ширек финалға жолдама алды. Түріктер Аустрия құрамасын 2:1 есебімен ұтса, Нидерланды құрамасы Румынияның қақпасына жауапсыз 3 гол соқты."Ред Булл Арена" стадионында Түркия құрамасы мен Аустрия арасында өткен матчта Мерих Демирал дубль авторы атанса, Нидерланды сапында Дониелл Мален де қарсыластар қақпасына екі гол соқты. Енді Түркия мен Нидерланды құрамасы ширек финалда бір-біріне қарсы ойнайды.
Айта кетейік, бұған дейін Франция құрамасы мен Португалия командасының ширек финалға жолдама алғанын жазған едік.
Астанада параспортшылар федерация басшысына жалақысының бір бөлігін беруге мәжбүр болғанын айтты
Федерация басшысына "Алаяқтық" бабымен іс қозғалған
Қаскелеңде автобус қағып кеткен студенттің ісі жабылып қалған: Анасы қызының ауыр жарақат алғанын айтады
СДУ алдында автобус қызды қағып кеткен, алайда полиция істі көп ұзамай жауып тастаған