"Есіміміз болмайды, бәріміз QR-кодтармен таңбаланамыз": Елордада түрлі-түсті киім киген әйелдер министрлік алдында шу шығарды

Нұр-Сұлтанда таңертеңнен бастап денсаулық сақтау министрлігінің алдына түрлі-түсті киім киген адамдар жиналды, деп хабарлайды Stan.kz ақпарат агенттігі. 

"Біз вакцинацияға қарсымыз!" Ертең атымыз болмайды, біз бәріміз QR-кодтармен таңбаланамыз", "Цой, шық!", - деп айқайлады жиналғандар.

Қызыл, сары, көк және жасыл түстермен киінген әйелдер кәстрөлдерді шөміштермен ұрып, дауыс күшейткіш құралдарды қолданған. Наразылық білдірушілер денсаулық сақтау министрі Алексей Цойдың келуін талап еткен.

Денсаулық сақтау министрлігінің баспасөз қызметі ереуілшілермен келіссөздер жүргізіп жатқанын айтты.

• Ешкім тексеріп жатқан жоқ: Қарағанды тұрғыны дәрігер болмаса да вакцина салғызғанын айтты


• Коронавирусқа қарсы вакцина кері әсерін берсе, не істеу керек

"Қазір министр кеңесте. Басқа бірінші басшылар шығып, адамдармен сөйлеседі. Біз оларға "Ашық аланға" барып, талаптарын талқылауды ұсынамыз", - деп хабарлады денсаулық сақтау министрлігінің баспасөз қызметі.

Еске сала кетейік, Қазақстанда 1 ақпанда халықты коронавирус қарсы вакцинациялау басталды.

Кейіннен қазақстандықтарда кейбір мекемелерге кіру үшін арнайы QR-код болуы шарт екені хабарланды. Оған сәйкес тұрғындар қызыл, сары, көк, жасыл түске бөлінеді.

Денсаулық сақтау министрі Алексей Цой QR-код енгізуге қатысты түсініктеме берді.