Ерлан Қошанов Назарбаевтан Елбасы мәртебесі қашан алынатынын айтты

Мәжіліс спикері Ерлан Қошанов Нұрсұлтан Назарбаевтан Елбасы мәртебесін алып тастау үшін қажет заңдардың жыл соңына дейін қабылданатынын айтты, деп хабарлайды Stan.kz ақпарат агенттігі. 

Мәжілістің пленарлық отырысынан кейін Қошанов референдумда қабылданған өзгерістер, соның ішінде Тұңғыш президент мәртебесіне қатысты өзгерістің қашан енгізілетінін айтты. 

• Назарбаевтың білімі туралы жазамын деп сотталған: "ДАТ" газетінің негізін қалаушы елдегі өзгерістерге қатысты ойын айтты

• Тұңғыш президенттің тарихи рөліне құрметпен қарау – бәрімізге ортақ міндет: Тоқаев Назарбаевты құрметтеуге шақырды

"Біз мұны күзден бастап қараймыз. Жыл соңына дейін қабылдануы керек. Президент алдымызға осындай міндет қойды", - деді Қошанов. 

Сонымен қатар ол Әділет министрлігінде Конституцияға және өзге де заңдарға өзгеріс енгізу бойынша жұмыс тобы құрылғанын айтты. Қошановтың сөзінше, қазір өзгерістер бойынша Әділет министрлігі жұмыс істеп жатыр, ал құжаттар әлі Мәжіліске түспеген.