AAPL
133.41 $
-0.43 %
TSLA
679.82 $
9 %
NDAQ
177.8 $
-0.5 %
GOOGL
2450 $
0.14 %
FB
343.18 $
1.22 %
FRHC
63.27 $
3.13 %
AAPL
133.41 $
-0.43 %
TSLA
679.82 $
9 %
NDAQ
177.8 $
-0.5 %
GOOGL
2450 $
0.14 %
FB
343.18 $
1.22 %
FRHC
63.27 $
3.13 %

Ерден Жақсыбеков: Мен "Маска" шоуында жеңемін деп ойламадым

Аққу, Арқар мен Арыстан "Хабар" телеарнасында танымал "Маска" шоуының қазақша нұсқасының финалына шықты. Жеңімпаздың есімі бір күн бұрын белгілі болды. Әділқазылар әнші әрі театр актері Ерден Жақсыбековті үздік деп атады, деп хабарлайды "Хабар 24" арнасына сілтеме жасап Stan.kz ақпарат агенттігі.

Ерден Жақсыбеков, әнші және жас көрермендерге арналған театрдың әртісі "Маска" шоуының жеңімпазы болды. Қорытынды қойылымда актер Ерден Жақсыбеков Кеңес Одағының батыры Әлия Молдағұловаға арналған "Әлия" әнін орындады.

Оның дауысының жоғары тембрі қазылар алқасын бірден таңғалдырды. Ерден Арқардың кейпіне еніп әрекет етті. Оған жеке тапсырыс бойынша костюм тігілген. Әртіс интриганы бағдарламаның соңына дейін сақтады. Ол қара маска киіп келген, киім ауыстыратын бөлмеде ешкіммен сөйлеспеген. Ерден Жақсыбеков, "Маска" шоуының жеңімпазы:

"Костюм ауыр болды. Біз киімді сахнаға шығардан 5 минут бұрын ауыстырдық. Мен ауа жетіспейтінін ұмытып, тоқтамастан биледім. Мен жеңемін деп ойламадым. Менің атымды жария еткенде қатты қуандым", – деді ол.


Әміре: Қазақстандағы мен қатысқан жобалардың ешқайсысы әділетті өткен жоқ


Жобаға музыкант, актер, тележүргізуші, блогер, әзілкештер мен спортшылар қатысты. Олар түрлі костюмдермен өнер көрсетті. Музыкалық-ойын-сауық телешоуы Қазақстандағы ең танымал бағдарламалардың біріне айналды. Костюмдерді елдің үздік дизайнерлері жасады, ал әндерді талантты композиторлар таңдады.

"Біз әлеуметтік желілерде сауалнама жасадық. Адамдардың өзі бейнелерді таңдады. Әрине, көптеген нұсқалар болды. Біз костюмдердің қызықты, әдемі және түсінікті болуы үшін көп жұмыс жасадық. Нағыз шоу жасай алдық деп ойлаймын. Оны жасау үшін үлкен команда күндіз-түні жұмыс жасады", – деді "Маска" шоуының продюсері Гүлнұр Мамасарипова.

Арқармен бірге аққу мен арыстан финалға шықты. Екінші орынды Аққудың бейнесіндегі әнші Айри, ал үшінші орынды арыстан бейнесінде өнер көрсеткен әзілкеш Нұрболхан Шарапов алды.

Талқылау
Пікір
Қазір оқып жатыр
Çàãðóçêà...
Қазір оқып жатыр