Синоптиктер желтоқсанның алғашқы күндеріне арналған ауа райы болжамын жариялады
“Қазгидромет” Қазақстан бойынша 2-4 желтоқсан күндеріне арналған ауа райы болжамын ұсынады. Бұл туралы Stan.kz ақпарат агенттігі хабарлайды.
Ақпаратқа қарағанда, алдағы күндері белсенді Атлантикалық циклон жырасымен және онымен байланысты атмосфералық фронтальды бөлімдердің әсерінен Қазақстанның басым бөлігінде жаңбыр мен қар жауады деп күтіледі.
“3 желтоқсанда солтүстік-батыста және солтүстікте, 3-4 желтоқсанда шығыста, 4 желтоқсанда еліміздің оңтүстік-шығысындағы таулы аудандарда қатты жауын-шашын күтіледі. Жауын-шашынмен қатар республиканың солтүстік жартысында көктайғақ құбылыстары мен бұрқасын болады деп күтілуде”, – делінген ақпаратта.
- Синоптиктер Қазақстанда 20 жылдан бері болмаған қыс келеді деп болжап отыр
- Дәрігер ешқандай отасыз және инъекциясыз сұлулықты сақтаудың 8 әдісімен бөлісті
Республика бойынша тұман, жел 15-29 м/с, еліміздің солтүстік-батысында және солтүстігінде екпіні кей уақыттарда 30 м/с және одан аса күтіледі.
“4 желтоқсаннан бастап солтүстік-батыс антициклонының жотасымен суық ауа массаларының енуі күтілуде, бұл Қазақстанның басым бөлігінде температураның күрт төмендеуіне әкеледі. Солтүстік-батыс және солтүстікте түнгі сағаттарда 7-21 градус аязға дейін, ал республиканың орталығы мен шығысында 5-15 градус аязға дейін төмендеуі күтіледі. Оңтүстік өңірлерде 0-5 градус аязға дейін шамалы төмендеуі болжанады”, – дейді синоптиктер.