Елімізде енді петиция қаралу үшін жинау қажет қол саны көбейтілмек
Қазақстанда петицияны қарауға қабылдау үшін қажет қол жинау шегі артуы мүмкін. Мұны мәдениет және ақпарат министрі Аида Балаева мәлімдеді. Бұл туралы Stan.kz ақпарат агенттігі хабарлайды.
Фото: Pixabay.com
Қазір петицияның қаралуы үшін 50 мың қол жеткілікті. Енді министрлік оның санын көбейтуді қарастырмақ.
"Қазір осындай мәселе көтеріліп жатыр. Бір-бірімен келіспейтін партиялар петицияға қажет қол санын және қарастырып жатқан мемлекеттік органдардың санын көбейту керек дейді. Біз бұл мәселені қарастыруымыз керек. Себебі қоғам екіге бөлініп, қарама-қайшылықтар тумауға тиіс, тұрғындардың, азаматтардың пікірін тыңдау маңызды", – деді Балаева сенат отырысында.
Министр шекті мәннің қаншаға көтерілетінін нақтыламады. Ол әзірге екі петиция жеткілікті қол жинағанын атап өтті.
"Екі петиция да ресми түрде қаралады, өйткені ереже бойынша жұмыс топтары құрылады. Оның ішінде қоғамдық пікірталастар да болады. Біз олардың пікірін ескеруіміз керек", – деп қосты ақпарат министрі.
Журналистер мемлекеттік қызметкерлер мен студенттерді ЛГБТ насихатына қарсы петицияға қол қоюға мәжбүрлеп жатқаны туралы ақпаратқа мән беруді сұрады. Балаева петиция мемлекеттің өз қалауын істету құралына айнала ма деген сұраққа жауап берді.
"Мен бұл пікірмен келіспеймін, өйткені әр мемлекеттік органның өз өкілеттіктері бар, оның аясындағы мақсат-міндеттері бар. Мен қауесеттерге пікір білдіргім келмейді, бұл өсек", – деді ол.