Елімізде донорға зәру науқастардың 70%-ы кезегі жетпей, қаза табады
Елімізде жүрек донорын күткен науқастардың 70 пайызы кезегі жетпей өмірден өтеді. Дәрігерлер бұл мәселені тез арада шешу қажет деп дабыл қақты. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.
Қазақстанда 147 адамның жүрегін ауыстыру қажет. Заң бойынша азамат тірі кезінде өзінің жүрегін басқа адамға салуға рұқсат бермесе, кез келген адамның ағзасын алуға болмайды. Ал дамыған елдерде ағза трансплантациясы еш кедергісіз жасалады. Сол үшін отандық мамандар шетелдің тәжірибелеріне сүйеніп, елімізде денсаулық сақтау жүйесіне қатысты заңға өзгеріс енгізуді талап етеді.
Мамандардың айтуынша, бұл мәселені қоғамдық талқыға салу керек. Себебі бір ғана донор арқылы төрт-бес адамның өмірін аман алып қалуға болады.
Дәрігерлер қайтыс болған адамның ағзасын алу жеңілдесе, донорға мұқтаж жандар саны да азаятынына сенімді. Қазір елде бауыр және бүйрек ауыстыруға 4000 адам зәру.
Алматыдағы танымал демалыс орнында адамдар нәжіс аралас бассейнге түскен: Мұның денсаулыққа қандай қаупі бар?
Желі қолданушысы мұндай жағдайда бассейн жұмысын уақытша тоқтатып, санитарлық өңдеу жүргізілуі керек деп есептейтінін жеткізді
Әйелін электр сымымен қылқындырып өлтірмек болған қазақстандық жеңіл жазамен құтылды
Сот: "Жәбірленушінің мойнындағы сырылған жарақаттар денсаулыққа зиян келтіруге әкеп соқпаған дене жарақаттары ретінде бағаланды"