Елімізде Әділет министрі қайта тағайындалды

Тоқаев Әділет министрін тағайындады деп хабарлайды Stan.kz ақпарат агенттігі.

“Азамат Несіпбайұлы Есқараев Қазақстан Республикасының Әділет министрі болып тағайындалсын”, – делінген бұйрықта.

Есқараев 1979 жылы Алматы қаласында туған. Қазақ мемлекеттік заң академиясын бітірген. 

• Еңбек жолын 2000 жылы ҚР Әділет министрлігі заңнама департаментінің жетекші маманы болып бастаған. 
• 2000-2005 жылдары Әділет министрлігінде бас маман, Заңға тәуелді нормативтік актілердің жобаларын сараптау және дайындау басқармасы бастығының орынбасары – бөлім бастығы, Заңнама департаментінің өндірістік саланың заңға тәуелді нормативтік актілерін сараптау бөлімінің бастығы, Заңнама департаменті басқармасының бастығы, Заңға тәуелді актілер департаменті басқармасының бастығы болған.
• 2005-2006 жылдары – Алматы қаласы әкімінің бас инспекторы.
• 2006-2007 жылдары – "Қазына" орнықты даму қоры" АҚ заң қызметі департаментінің бас менеджері.
• 2007-2012 жылдары –  Әділет министрлігінде құқықтық мәселелер жөніндегі консультант, Ішкі әкімшілік департаментінің жетекші маманы, министрдің көмекшісі, талдау және стратегиялық жоспарлау департаментінің директоры, Заңнама департаментінің директоры қызметін атқарды.
• 2012-2014 жылдары ҚР ЭҚСЖҚКА инспекциясының ұйымдастыру-бақылау департаментінің бастығы болған.
• 2014-2019 жылдары ҚР Премьер-Министрі Кеңсесінің Заң бөлімі меңгерушісінің орынбасары қызметін атқарған. 
• 2019 жылдан 2023 жылғы қаңтарға дейін – ҚР Премьер-Министрі Кеңсесі Заң бөлімінің меңгерушісі.