Елена Рыбакина АҚШ-тағы турнирдің екінші айналымында қарсыласын ойсырата жеңді

Уимблдон-2022 чемпионы Елена Рыбакина Цинциннатидегі турнирде әлемнің 9-ракеткасын жеңіп, келесі кезеңге өтті, деп хабарлайды Stan.kz ақпарат агенттігі. 

Екінші раундта Рыбакина "Үлкен дулыға" турнирінің екі дүркін чемпионы, әлемнің 9-ракеткасы Гарбинье Мугурусуды ойсырата жеңді. Ойын 1 сағат 15 минутқа жалғасып, 6:3, 6:1 есебімен аяқталды. 

Рыбакина 8 рет допты асыра беріп, 1 рет екі еселенген қателік жасады. Сонымен қатар 6 рет брейк-пойн алды. Мугурусу 5 рет эйс жасап, 5 рет екі еселенген қателік жасады. 

Цинциннатидегі әйелдер турнирінің жалпы жүлде қоры 2 527 250 долларға тең. Қазіргі чемпион Эшли Барти маусым басында спорттық мансабын аяқтаған.