"Елдің тәуелсіздігі осы күннен басталады": Парламент 25 қазанды ұлттық мереке ретінде белгілеу туралы заңды қабылдады
Сенат депутаттары 25 қазанды ұлттық мереке – Республика күні ретінде белгілеу туралы өзгерістерді мақұлдады, деп хабарлайды Stan.kz ақпарат агенттігі.
Норма "Қазақстан Республикасының кейбір заңнамалық актілеріне кинематография және мәдениет мәселелері бойынша өзгерістер мен толықтырулар енгізу туралы" Қазақстан Республикасы Заңының жобасына енгізілген.
"Қазақстан Республикасындағы мерекелер туралы" заңға келесі өзгерістерді енгізу жоспарланып отыр.
- 25 қазанды ұлттық мереке – Республика күні ретінде белгілеу;
- 16 желтоқсанды мемлекеттік мереке – Тәуелсіздік күні ретінде бекіту.
"25 қазан – Республика күні ұлттық мереке болып бекітіледі. Бұл тарихи және өте маңызды шешім. Еліміздің тәуелсіздігі шынымен де осы күннен басталады. Сондықтан, бұл күннің ұлттық мереке ретінде бекітілуінің өзі мемлекеттілік пен егемендік тұрғысынан маңызды қадам. Болашақта бұл мереке Тәуелсіздікті дәріптеп, нығайта түсуге септігін тигізеді деп сенеміз", – деді Сенат спикері Мәулен Әшімбаев.
Талқылау
"Бағасы Еуропадан 10 есе төмен": Қазақстанға БАӘ, Ұлыбритания, Германиядан шетелдіктер медициналық көмек алуға келеді
Көптеген шетелдіктер кардиохирургия, онкология, стоматология мен чек-аптан өту үшін Қазақстанға келеді
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен