Екібастұзда 4 жасар бала ашық жатқан кәріз шұңқырына құлап кетті
Екібастұзда 4 жасар бала беті ашық жатқан кәріз шұңқырына түсіп кетті. Бұл туралы Stan.kz ақпарат агенттігі хабарлайды.
Баланың кәріз шұңқырына құлап кеткені туралы ақпарат жедел жәрдем қызметіне сағат 13:39 шамасында келіп түскен. Жедел жәрдем қызметкерлері оқиға орнына бес минуттың ішінде жеткен.
“Жаяу жүргіншілер жедел жәрдем келгенге дейін баланы құдықтан алып шықты. Тізе мен арқа жарақатын алған төрт жасар бала Екібастұз қалалық ауруханасына жеткізілді”, – делінген хабарламада.
Куәгерлердің айтуынша, оқиға орын алған кәріз шұңқыры Гридин көшесінде орналасқан және екі жылдан бері ашық жатқан көрінеді.
Полиция департаментінде аталған оқиғаға қатысты тергеу басталғанын хабарлады.
"Әйелдерге тән оюды ерлер пайдаланып жүр": Қазақстандық дизайнер жұлдыздардың ою-өрнекті орынсыз пайдаланып жүргенін сынға алды
Кез келген ою – оны жасаған адамның ішкі дүниесінің көрінісі
"Ешқандай адам өте алмайды": Шетелдіктер қазақ тілінен тапсыратын тесттің қиындығына шағымданды
Шетелдік: "Жарайсыңдар, сендер жеңдіңдер!"