Египетте курортта жүрген әйелдің аяғы мен қолын акула тістеп алған
Австриялық туристті Египеттің Хургада курортында акула тістеп алған. Бұл туралы 1 шілдеде Ресейдің Хургададағы Бас консулдығы мәлім етті, деп хабарлайды РИА Новостиге сілтеме беріп Stan.kz ақпарат агенттігі.
Оқиға Сахл Хашиш ауданында болған.
"Турист Сахл Хашиш аймағында акуладан зардап шекті, акула оның қолы мен аяғын тістеп алған", – деді дипмиссияда.
Куәгерлердің түсірген кадрларында жапа шеккен әйелдің жағалауға қарай жүзуге тырысқаны көрінеді. Оның айналасындағы су қызғылт түске боялған.
Турист ауруханаға түскен, алайда кейінірек агенттіктің дереккөзі әйелдің жарақаттан қайтыс болғанын хабарлады.
Сахл Хашиш ауданынан Макади Бей шығанағына дейін болған жағдайға байланысты үш күн бойы шомылуға, суға түсуге, балық аулауға және сноубордингке тыйым салынды.
Тағы бір мәліметтерге қайтыс болған Австрия азаматшасының 68 жаста болғаны айтылды. Ол мысырлық азаматқа тұрмысша шығып, онымен бірге осы елде тұрып жатқан.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі