Дүниежүзілік көшпенділер ойындары: Қазақстан құрамасы көкпардан финалда Қырғызстанды жеңді
Астанада өтіп жатқан V Дүниежүзілік көшпенділер ойындарында Қазақстан құрамасы көкпардан финалға шығып, алтын жүлдені жеңіп алды. Бұл туралы Stan.kz ақпарат агенттігі хабарлайды.
Фото: V Дүниежүзілік көшпенділер ойындарының дирекциясы
Көкпардан Қазақстан және Қырғызстан құрамалары V Дүниежүзілік көшпенділер ойындарынының финалында жолықты. Ақтық бәсекенің бірінші кезеңі 1:3 есебімен қырғыз көкпаршыларының пайдасына шешілсе, екінші кезеңде есеп теңесті (4:4). Ал қосымша уақытта Қазақстан құрамасы бірінші болып салым салып, жеңісті жұлып алды. Осылайша, Қазақстан құрамасы Қырғызстаннан басым түсіп, 28-алтын медальға ие болды. Ал Қырғызстан командасы күміс жүлде иеленді.
Айта кетейік, көкпар жарысынан қола жүлдені Ресей құрамасы Түркия командасын 8:2 есебімен жеңіп алды. Бүгін көк бөріден де Қазақстан және Қырғызстан командалары Көшпенділер ойындарының алтынына таласады.
Қазақстандықтар үшін шетелге демалуға ең тиімді айлар аталды
Компания өкілі: "Демалысты кемінде үш ай бұрын брондау арқылы туристер тур құнын 40 пайызға дейін үнемдей алады"
"Денем кез келген уақытта ісіп кетеді": Қазақстандық өзінің ісік ауруымен ауыратынын 50 жылдан кейін ғана білген
Қазақстанда шамамен 700-ден 1500-ге дейін пациент болуы мүмкін